Універсальны пробнік напружання

Пробнік — пераносны прыбор, прызначаны для:

• вызначэння наяўнасці фіксаваных напружанняў пераменнага і пастаяннага току;
• вызначэння палярнасці ланцугоў пастаяннага току;
• праверкі цэласнасці ланцугоў, у тым ліку абмотак электрарухавікоў, пускальнікаў, трансфарматараў і кантактараў;
• праверкі спраўнасці дыёдаў, транзістараў, тырыстараў і інш.

Будова пробніка
Корпус пробніка выраблены з пластмасы. На пярэдняй панэлі размешчаны 6 святлодыёдаў, якія паказваюць велічыню і палярнасць кантраляванага напружання. З аднаго боку пробніка знаходзіцца шчуп з індыкацыяй, а з другога — гнуткі шчуп даўжынёй не менш за 1,3 м.

У склад пробніка ўваходзіць назапашвальны кандэнсатар, які пасля кароткачасовай зарадкі служыць крыніцай электрарухальнай сілы, што дазваляе не выкарыстоўваць гальванічныя элементы. Пробнік зараджаецца ад сеткі пераменнага току напружаннем 110 — 380 В на працягу 10 — 20 с.