Шчыток павярховы ЩЭ

Размеркавальна-ўліковыя шафы ЩЭ прызначаны для прыёму, размеркавання і ўліку электраэнергіі, а таксама для абароны адыходзячых ліній пры перагрузках і кароткіх замыканнях.

Шафы ЩЭ прымяняюцца ў шматкватэрных жылых і грамадскіх будынках.

Шафы ЩЭ выкарыстоўваюцца ў сетках напружаннем 380/220В пераменнага току частатой 50 Гц з сістэмамі зазямлення TN-C, TN-S або TN-C-S.

АГУЛЬНЫЯ ЗВЕСТКІ

Размеркавальна-ўліковыя шафы ЩЭ складаюцца з металічнага каркаса, падзеленага на 3 адсекі:

Уводна-ўліковага, у якім размяшчаюцца панэлі для лічыльнікаў электраэнергіі паводле колькасці кватэр. Здымная мантажная рама дазваляе без дадатковых перахаднікоў усталяваць любыя тыпы аднафазных лічыльнікаў. У гэтым жа адсеку прадугледжана месца для ўстаноўкі аўтаматычнага выключальніка для адключэння магістральнай лініі.

Размеркавальнага, у якім размешчаны DIN-рэйкі для ўстаноўкі аўтаматычных выключальнікаў і прылад ахоўнага адключэння, што забяспечваюць абарону групавых ліній кожнай кватэры. Для электрабяспекі абслуговага персаналу адсек мае аператыўную панэль (фальшпанэль), якую можна зняць толькі спецыяльным інструментам.
Адсека слабаточнага абсталявання, у якім усталяваны перфараваныя профілі для пракладкі тэле- і радыёсетак, тэлефонных ліній, ліній пажарна-ахоўнай сігналізацыі, сеткі дамафонаў, відэаназірання і інш., а таксама для ўстаноўкі злучальных або адгалінавальных каробак для кожнай сеткі.

Кожны адсек закрываецца асобнымі дзверцамі з індывідуальным замком. Дзверцы ўводна-ўліковага адсека маюць зашклёныя адтуліны для зняцця паказанняў электралічыльнікаў.

У павярховым шчытку ўсталёўваюцца нулявая ахоўная шына РЕ, электрычна злучаная з адкрытымі токаправоднымі часткамі ЩЭ, і нулявыя рабочыя шыны N, ізаляваныя ад іх.

Паводле колькасці кватэр, якія сілкуюцца, ЩЭ выпускаюцца ў трох выкананнях:

• для дзвюх кватэр — ЩЭ2;
• для трох кватэр — ЩЭ3;
• для чатырох кватэр — ЩЭ4.